اویغور تایم آژانسیده عبدالرحیم غنی، اویغور فعالی نینگ سۉزیلری شوندهی عنوان بیلن: «اویغور دوپهسی/دوپیسی-اویغور کیملیگی نینگ ابدی سمبولی» اۉرین آلگن.
بوگون 5-می “اویغور دوپی کونی”دیر. بوگون فقط ملی کییم مدنیتینی اېسلش کونی اېمس، بلکه بیر خلقنینگ موجودلیگینی حمایه قیلیش، اجدادلر نینگ روحینی دوام اېتتیریش و چین باسقینچیلری ظلمی آستیده یۉقالیش خوفی بۉلگن بیر ملت نینگ کیملیگنی جیمجیت ناراضلیک بیلن حمایه قیلیش کونی دیر.
اویغور خلقیده شوندهی مقال بار: “باش آمان بۉلسه، دوپی تاپیلهدی.” بیراق، بوگونگی کونده دوپی عادی باش کییم بۉلیشیدن چیقیب، اویغور ملی کیملیگی نینگ اېنگ کوچلی رمزیگه ایلنگن. دوپی-اویغور بېزهک صنعتی نینگ یوکسک روحینی اۉزیده مجسم اېتگن صنعت اثری دیر. اونینگ تورلی شکللری، اۉزیگه خاص بېزهکلری و یارقین توسلری اویغور خلقی نینگ گۉزهللیک توشونچهسی، دنیا قرهشی و مینگ ییللیک تاریخی ایلدیزلرینی عکس اېتیرهدی.
شرقی تورکستان نینگ هر بیر حدودی اۉزیگه خاص دوپی بېزهکلریگه اېگه بۉلیب، بو خیلمه-خیللیک اویغور مدنیتی نینگ قنچهلیک بای اېکنینی کۉرستهدی:
کاشغر نینگ «چیمین» دوپیسی پارلاق و اولوغوار؛
-ختن نینگ گللری نازیک و نفیس؛
-ایلی نینگ دومهلاق دوپهلری ساده و یومشاق؛
-تورپان نینگ بادام دوپیلری جوشقین و جاذبهدار؛
بو دوپیلر اویغورلرنینگ حدودی یخلیتلیگی و ملی بیرلیگینی باشیمیزده قطعیت بیلن کۉتریب، یورهیاتگنیمیز نینگ اثباتی دیر.
اویغور دوپیسی-چین جنوسایدی آرهسیده آمان قالیش اوچون کورهشماقده
بوگونگی کونده شرقی تورکستانده دوپی کییش باسقینچی چین حکومتی اوچون نهایتده سېزگیر مسلهلرگه ایلنگن. اویغورلرنی مجبوری سیغیندریش و اولرنی مجبورن “چین ملتی” شوونیستیک مفکورهسیگه سیغیندریش مقصدیده، چین حکومتی ملی کیملیگیمیز نینگ برچه رمزلریگه قرشی اوروش اعلان قیلگن. تیلیمیز، دینیمیز و عرف-عادتلریمیز بیلن بیر قطارده، دوپهمیز هم تیزیملی یوسینده تعقیقلنیب و باستیریلیب کېلینماقده.
مکتبلرده، موسسهلرده و جمعیت نینگ برچه یۉنهلیشلریده دوپی کییش “قالاقلیک”، “دینی افراطلیک”یا “بۉلینیش” دېب قارهلندی. دوپی کییگنلر اېسه، کوچلی ملی قرهشلرگه اېگه معناده تصویرلنیب، ایریم حاللرده اردوگاهلرگه یېرلشتیریلهدی. بو روایتگه کۉره، باسقینچیلر دوپی کییگن اویغور اۉز کیملیگینی هېچ قچان اونوتیلمسلیگینی یخشی بیلهدی؛ و اۉز کیملیگینی اونوتمهیدیگان خلق هېچ قچان قوللیککه توشمهیدی.
سورگوندهگی دوپه: بیرته بیراق، مقصد بیرته
غرب دولتلریده یشهیاتگن بۉلسم هم، مېن اېرکین دنیا کۉچهلریده دوپی کییشنی فخر بیلن و هېچ قندهی چېکلاوسیز دوام اېتیرهمن. 2018 ییلیدن بیری آمستردامدهگی دم میدانیده شرقی تورکستاندهگی حادثهلر دېب تعریفلنگن واقعهلرگه قرشی دایم باشیمده بۉلگن.
دنیانینگ تورلی مملکتلریدن کېلگن سیاحلر باشیمدهگی دوپهلر آرقهلی مېنی درحال اویغور اېکنیمنی بیلیب آلیشهدی. اولر مېنگه یقینلشیب، اوشبو واقعهلرنی عکس اېتیرووچی صورتلرنی کۉرگنده، اویغورلرگه نسبتا همدردلیک و قۉللب-قووتلش بیلدیرهدیلر. اویغورلر حقیده حلی بیلمهگنلر اېسه، دوپی آرقهلی قیزیقیب قالیشهدی. کیملیگیم حقیده سۉرهشهدی، مېن بیلن سۉزلشهدی و اېسدهلیک اوچون صورتگه توشیرهدی.
شونینگ اوچون، باشیمدهگی بو دوپی شونچه که باش کییم اېمس بلکه:
وطنیمیزنینگ میلیونلب اکه-اوکه و آپه-سینگیللریمیز نینگ سېسی دیر، اولرنینگ دوپیلری تارتیب آلینگن؛
چین جینوسایدی دېب تعریفلنهدیگان حالتلرگه قرشی اعلان؛
اویغور خلقینینگ اۉلمس روحی نینگ افادهسی.
دوپی مېن و دنیا اۉرتهسیده ملی مدنی اېلچی بۉلیب قالگن، شونینگدېک حقیقتنی ترقهتیش اوچون کوچلی واسطهگه ایلنگن.
ایتیشلریچه، چین تمانلری بېزنی دوپه، وطنیمیز و اېرکینلیگیمیزدن محروم قیلیشگه اورینماقده. مېن چین حکومتیگه شونی ایتهمن: اویغور دوپیسی فقط باشده اېمس، بلکه یورهکده هم مهرلنگن.
مېن هر بیر ناراضلیک نمایشیده و هر بیر تدبیرده ملی کیملیگیم بیلن فخرلنیب، دوپی کییشنی دوام اېتیرهمن. شرقی تورکستان آزاد بۉلمهگونچه، بو دوپی مېنینگ اوروش بیراغیم بۉلیب قالهدی.
دوپی کونی قوتلوغ، عزیز یورتداشلر!
اویغور مدنیتی اۉلمهیدی، اویغور خلق یۉق بۉلیب کېتمهیدی!
