پاکستان یېتکیرمهلرینینگ گزارش بېریشیچه، بو اولکه خیبرپختونخواه ایالتینینگ بنو منطقهسیده اویوشتیریلگن موتر بمب هجومده چمهسی 12 پولیس جان بېریب و باشقه اوچ کیشی یرهلنگن.
گزارشلرگه کۉره، اوشبو هجومده خیبرپختونخواه ایالتیگه تېگیشلی بنو شهرینینگ «فتحخیل» منطقهسیدهگی پولیس کوچلرینینگ پوستهسی نشانگه آلینگن.
ایتیلیشیچه، هجومدن سۉنگ منطقهده آتیشمهلر و پارتلش آوازلری اېشیتیلگن و بو مرکزده چمهسی 30 پولیس بۉلگن.
ایریم گزارشلرگه کۉره، اوشبو هجوم مسئولیتینی حافظ گل بهادر بۉینیگه آلگن، شونینگدېک باشقه بیر قطار منبعلر، مذکور هجوم مسئولیتینی تیتیپی گروهیدن اجرهلگن «اتحاد المجاهدین» گروهی بۉینیگه آلگنینی معلوم قیلگن
