حماس و اسرائیل آره‌سیده‌گی آتیش کیسین (جمعه، ۱۰-قوس)، یکونله‌نیب و ایکی تامان آره‌سیده اوروش قیته دن باشلنگن.
اسرائیل حربی‌لری حماس نی آتیش کیسین نی نقض قیلیش گه عیبلب ایتیشیچه، بوگون ایرته‌لب محلی وقتده غزه دن موشک آتیلیشی بیلن اوروش قیته باشلنگن.
حماس، اسرائیل حربی کوچلری نینگ اوشبو ادعاسی گه دایر حاضرگچه فکر_ملاحظه بیلدیرمه‌گن.
رویترز نینگ گزارشی گه کوره، فلسطین ېیتکیرمه‌لری آتیش کیسین یکونلنگنیدن کیین غزه ده اسرائیل ییر و هوا دن هجوم‌لری هجوم گه باشلهگنیدن خبر بیریشگن.
قطر و مصر، پنج‌شنبه کونی حماس نینگ گروی گه بولگن سکیز کیشی و ۳۰ فلسطین‌لیک اسیر قوییب یوباریلیشیدن کیین، آتیش کیسین اوزه‌یتیریلیشی اوچون تلاش قیلگن ایدیلر.
آتیش کیسین یکونیدن آلدین، اسرائیل رسمی‌لری هر قنده‌ی احتمال گه تیارلیک‌لرینی معلوم قیلگن ایدی.
حماس و اسرائیل آره‌سیده‌گی ییتتی کون‌لیک آتیش کیسین ده، توپلم روشده حماس تامانیدن گروگه آلینگن ۱۰۵ اسرائیل‌لیک و اسرائیل تامانیدن حبس گه آلینگن ۲۴۰ فلسطین‌لیک قوییب یوباریلگن.
