اروپا اتفاقینینگ تشقی مسالهلری بۉییچه بۉلیمی بو اتفاقنینگ دنیا ایریم مملکتلری جملهدن افغانستان اوچون ینگی دیپلوماتلرینی تانیشتیرگن.
بو حقده نشر اېتیلگن معلوماتگه کۉره، اروپا اتفاقی تامانیدن ایتالیالیک دیپلومات نیکولا بلومو افغانستانده اېچلی اولهراق تعیین اېتیلگن.
شو بیلن بیرگه، اروپا اتفاقی دنیا تورلی مملکتلری جملهدن برازیل، جاپان، کنگو، کینیا، هندوستان و اندونیزیا مملکتلری اوچون ینگی اېلچیلرنی تانیشتیرگن.
افغانستان اوچون اروپا اتفاقینینگ ینگی اېلچیسی تعیینلنگن نیکولا بلومو بوندن آلدین، اروپا اتفاقینینگ افریقا بۉییچه نمایندهسی اولهراق فعالیت قیلگن.
ایتیش کېرهک که اروپا اتفاقینینگ طالبان حاکمیتیدهگی افغانستانده نمایندهلیگی فعالیتنی دوام اېتتریب کېلماقده دیر.
شونینگدېک، اروپا اتفاقینینگ افغانستان اوچون بۉلگن انسانپرورلیک یاردملری هم دوام اېتماقده.
