بیرلشگن ملتلر تشکیلاتینینگ افغانستاندهگی نمایندهلیگی یا-ده «یوناما» اېرته، بیرلشگن ملتلر تشکیلاتی خوفسیزلیک کېنگشیده افغانستان خصوصیده ییغین اۉتکزیلیشیدن خبر بېردی.
یوناما تامانیدن ایکس صحیفهسیده نشر اېتیلگن معلوماتگه کۉره، اوشبو ییغینده یوناما سرپرستی جورجیت گانیون، افغانستان وضعیتی خصوصیده تیارلنگن گزارشینی تقدیم اېتهدی.
ییغین، افغانستان وقتی بیلن ۰۶:۳۰ دقیقهده اۉتکزیلیشی رېجهلشتیریلگن.
ایتیلیشیچه، بیرلشگن ملتلر تشکیلاتینینگ اوشبو ییغینی ایکّی بۉلیم آچیق و یاپیق ایشیکلر آرقهسیده اۉتکزیلیب، افغانستانده دوام اېتیب تورگن وضعیت محاکمه قیلینهدی.
بیرلشگن ملتلر تشکیلاتی بوندن آلدین هم کۉپلب ییغینلر آرقهلی افغانستان احوالینی محاکمه قیلگن. بیراق اوشبو ییغینلر افغانستان بیران ایجابی اۉزگریشگه گواه بۉلمهگنی اېسه تنقیدلرنی هم اۉرتهگه آلیب کېلگن.
