طالبلر معلوماتیگه کۉره، تیناوون ۶۳۹ عایله، یعنی ۳ مینگ ۴۴۸ کیشی تورلی یۉنهلیشلر آرقهلی افغانستانگه کیریب کېلگن.
طالبلر مطبوعات سۉزلاوچسی اۉرینباسری حمدالله فطرت چهارشنبه کونی (۲۰-جوزا) اعلان قیلگن بیاناتیده بو عایلهلر تورخم، سپین بولدک، اسلام قلعه و نیمروز چېگرهلری آرقهلی مملکتگه قَیتگنینی بیلدیرگن.
بیاناتگه کۉره، اېنگ کۉپ قَیتگنلر تورخم آرقهلی کیرگن، بو یېرده ۳۹۵ عایله، جمعی ۲ مینگ ۹۹۴ کیشی افغانستانگه قَیتریلگن.
شونینگدېک، سپین بولدک آرقهلی قندهارگه ۵۴ عایله، نیمروز آرقهلی ۳۰ عایله و هراتدهگی اسلام قلعه آرقهلی ۱۶ عایله کیریب کېلگن.
سۉنگگی آیلرده قۉشنی دولتلردن افغانستانلیک مهاجرلرنینگ قَیتیشی و دېپورت قیلینیشی کوچهیگن بۉلیب، بو حالت کۉپلب عایلهلرنینگ کېتمه-کېت مملکتگه قَیتیشیگه سبب بۉلماقده.
مذکور مهاجرلر قَیتریلهیاتگن پیتده، تیناوون بریتانیا افغانستانده تخمیناً ۲۲ میلیون کیشی انسانپرورلیک یاردمگه محتاج اېکنینی معلوم قیلگن.
