خلق ارا عامهوی اخبارات واسطهلرینینگ گزارش بېریشیچه، اۉتکن کېچه جنوبی افریقاده یوزبېرگن آتیشمهده چمهسی ۱۲ کیشی جان بېرگن.
ژوهانسبورگ رسمیلرنینگ معلوماتیگه بو واقعه اۉتکن کېچه مذکور شهرنینگ «کلولند» منطقهسیده یوزبېرگن، نتیجه ۳ عیال شامل ۱۲ کیشی جان بېرگن و باشقه ۹ کیشی یرهلنگن.
ژوهانسبورگ پولیس کوچلرینینگ تاکیدلشیچه، ۱۰ کیشی هجومچی بیر شهرچهگه هجوم قیلگن و یشاوچیلرگه قرشی بیر ساعت اۉق آتگنلر و هجومدن سۉنگ منطقهدن قاچیب کېتگنلر. بو هجوم نیمه سبب بیلن اویوشتیریلگنی خصوصیده حاضرگچه انیق گزارش ترقه تیلمهگن، بیراق بو خصوصده تېکشیروولر باشلنگن.
عینی حالده محلی یشاوچیلردن بیری «eNCA» محلی ترماغیگه قیلگن بیاناتیده بو کبی هجوملر سۉنگی پیتلرده کۉپهیگنینی ایتگن.
جنوبی آفریقا، دنیا بۉیلب قوراللی زوروانلیکلر میزانی یوقاری بۉلگن منطقهلردن بیری سنهلهدی. ترقهتیلگن گزارشلرگه کۉره، مذکور اولکهده کونیده ۳۳ کیشی قورال آرقهلی اۉلدیریلماقده.
