بدخشان ولایتیده بیر قایقنینگ قولهشی عاقبتیده ۱۳ کیشی سووگه چوکیب کېتگنی حقیده خبر قیلیندی.
ایتیلیشیچه حاضرگچه بو شخصلردن تۉقّیز کیشی قوتقریلگن و قالگن تۉرت کیشی اېسه بیدرک یۉقالگن.
اوشبو واقعه جمعه کونی، ۲۲- جوزا، بدخشان ولایتی شهربزرگ اولسواللیگینینگ «آویز» حدودیده یوز بېرگن.
خبرلرگه کۉره، بدخشان ولایتیده طالبان خوفسیزلیک قومندانلیگی هم اوشبو واقعهنی تصدیقلهگن. بیراق واقعه سببی حقیده تۉلیق تفصیلات بېریلگن اېمس.
دېیرلی، ایکّی کوندن بیری یۉقالگن شخصلرنینگ تاپیش ایشلری هم نتیجه بېرمهگنی کۉرینهدی.
