ونزوئلاده یوز بېرگن کوچلی زلزلهلر عاقبتیده قربانلر سانی آرتیشده دوام اېتماقده. مملکت پارلمانی باشلیغینینگ معلوم قیلیشیچه، هلاک بۉلگنلر سانی بیر مینگ۷۱۹ نفرگه، جراحتلنگنلر اېسه بېش مینگ۳۴ نفرگه یېتگن.
سیانان خبریگه کۉره، ونزوئلا پارلمانی باشلیغی خورخه رودریگز دوشنبه (۸-سرطان) حالتیگه کۉره کمیده بیر مینگ۷۱۹ کیشی نینگ هلاک بۉلگنی تصدیقلنگنینی ایتدی.
اونینگ سۉزلریگه کۉره، ینه بېش مینگ۳۴ کیشی جراحت آلگن، زلزلهلر اېسه۲۲ مینگدن آرتیق اهالیگه بېواسطه تأثیر کۉرستگن.
رودریگزنینگ ایتیشیچه، طبيعي آفت عاقبتیده کمیده۸۵۵ ته بنا شکستلنگن،۱۸۹ ته بنا اېسه بوتونلهی قولهب توشگن.
ناسا تدقیقاتچیلری صنعي یۉلداش تصویرلرینی تحلیل قیلیب،۵۹ مینگگه یقین کتّه و کیچیک بنا ضرر کۉرگن یاکه قولهگن بۉلیشی ممکنلیگینی بیلدیرگن.
اۉتگن هفته چهارشنبه آقشامیده (۳-سرطان) ونزوئلاده۳۹ ثانیه آرهلیغیده۷.۲ و۷.۵ریشتر ایکّیته کوچلی زلزله صادر بۉلدی. متخصصلر بوندهی حادثه سۉنگّی۱۰۰ییل ایچیده کوزهتیلمهگنینی قید اېتماقده.
خورخه رودریگزنینگ معلوم قیلیشیچه، حاضرگچه۶۰۹ ته پس لرزه قید اېتیلگن، اما اولر جدّي تلفات یاکه قۉشیمچه ویرانهگرچیلیک کېلتیریب چیقرمهگن.
امریکا قۉشمه ایالتلری زمین شناسلیک خذمتی ینگی بهالشیگه کۉره، یکوني قربانلر سانی۱۰ مینگ یاکه اوندن هم کۉپراق بۉلیش احتمالی۴۴ فایزنی تشکیل اېتهدی.
