پاکستاننینگ پنجاب ایالتی محلي رسميلری لاهور شهریدهگی خصوصي اۉقوو مرکزی تامی قولهب توشیشی عاقبتیده کمیده 14 باله هلاک بۉلگنینی معلوم قیلدی.
حادثه تیناوون (سهشنبه، ۹-سرطان) محلي وقت بیلن ساعت۴:۳۰اطرافیده لاهور شهری چېکّهسیدهگی کاهنا منطقهسیده یوز بېرگن. پنجاب ایالتی اخبارات وزیری عظما بخاری بیانات بېریب، اوشبو حادثهده ۱۴ باله هلاک بۉلگنی، ینه۵ کیشی جراحت آلگنینی ایتدی. اونینگ قۉشیمچه قیلیشیچه، مذکور خصوصي اۉقوو مرکزی رسمي رۉیخطدن اۉتمهگن بۉلیب، تورر جای بناسی ایچیده، تصادم حالتیدهگی تام آستیده ناقانوني فعالیت یوریتگن.
اونینگ سۉزلریگه کۉره، قوتقرووچیلر ویرانهلر آستیدن۷ یاشدن۱۱ یاشگچه بۉلگن بالهلر همده۳۰یاشلی عیال اۉقیتووچینی آلیب چیققن.
رویترز خبرگزارلیگینینگ محلي رسميلرگه تهیهنیب خبر بېریشیچه، اوشبو اۉقوو مرکزی مکتبلرنینگ رسمي درس وقتیدن تشقری بالهلرگه قۉشیمچه مشغولاتلر اۉتکزیب کېلگن.
خبرده ایتیلیشیچه، پولیس حادثه سببلرینی انیقلش و بنا حالتیگه نسبتاً لاقیدلیک قیلگن عیبدارلرنی انیقلش مقصدیده ایکّی کیشینی حبسگه آلگن.
شونینگدېک، پنجاب محلي حکومتی رۉیخطدن اۉتمهگن برچه اۉقوو مرکزلری فعالیتینی تېکشیریش بۉییچه کۉرسهتمه بېرگن.
