تانیقلی اۉزبېک سیاستچی شاکر کارگر «تینچلیک و عدالت» حزبینینگ ینگی باشلیغی اولهراق تعیینلنگنی حقیده خبر بېریلدی.
بوحقده نشر اېتیلگن خبرلرگه کۉره، جناب کارگر اوشبو حزبنینگ اۉتگن کون اۉتکزیلگن آنلاین ییغیلیشیده بو لوازمگه تعیینلنگن.
تانیقلی بو سیاستچیگه یقین منبعلردن بیری هم اوشبو خبرنی اۉزبېک تیوی گه تصدیقلهگن.
دیمک «تینچلیک و عدالت» سیاسی جریانی، میلادی ۲۰۲۲ – ییل بیر قنچه سابق حکومتنینگ سورگوندهگی رسمیلری جملهدن سابق حکومت جمهور باشلیغ ادارهسینینگ باشلیغی شاکر کارگر و تشقی ایشلر وزیری حنیف اتمر حضوریده فعالیتگه باشلهگن اېدی.
بو شوندهی بیرحالده دیر که طالبان افغانستان حاکمیتیگه قیتگنیدن سونگ، بیر قنچه سیاسی جریانلر فعالیتنی اعلام قیلگن. بیراق حاضرگچه افغانستانده اونملی بیر سیاسی اوزگریش اۉرتهگه کېلگن اېمس.
