بیرلشگن ملتلر تشکیلاتیجمعیت صندیغینینگ معلوم قیلیشیچه، افغانستان اهالیسینینگ۶۳ فایزینی۲۴ یاشگچه بۉلگن یاشلر تشکیل اېتهدی.
تشکیلات بوگون (دوشنبه، ۲۲سرطان) ایکس اجتماعي ترماغیده نشر قیلگن بیاناتیده افغانستان یاشلرینی قۉللب-قوّتلشنی دوام اېتتیریشگه صادقلیگینی بیلدیردی.
تشکیلات یاشلر کۉپ ترماقلی مرکزی و یاشلر سلامتلیگی ایشانچ تیلفونی کبی پلاتفورملر آرقهلی یاشلرنی قۉللب-قوّتلش مجبوريتینی ینه بیر بار تصدیقلهدی. اوشبو تشبثلر یاش افغانلرگه ساغلیق بۉییچه معلوماتلر و حیاتي کۉنیکمهلرنی تقدیم اېتیب، اولرگه تورلی قیینچیلیکلرنی یېنگیب اۉتیشده یاردم بېرهدی.
بیرلشگن ملتلر تشکیلاتی جمعیت صندیغینینگ افغانستاندهگی نمایندهسی اۉرینباسری لاتیکا ماسکی پرادان یاشلرنینگ آرزو و مقصدلرینی قۉللب-قوّتلهیدیگن محیط یرهتیش ضرورلیگینی تأکیدلهدی.
او شوندهی دېدی: «بو مملکت یاشلری اۉز صلاحیتینی تۉلیق رۉیابگه چیقریشی اوچون اولرنینگ تورلی آرزو-اینتیلیشلرینی قۉللب-قوّتلهیدیگن محیطنی یرهتیش نهایتده مهم.»
افغانستان دنیادهگی اېنگ یاش اهالیگه اېگه دولتلردن بیری حسابلنهدی. بیراق قشّاقلیک، ایشسیزلیک، تعلیم و کسبي تیارگرلیک امکانیتلرینینگ چېکلنگنلیگی، شونینگدېک، طالبان جاري اېتگن قطعي چېکلاولر نتیجهسیده کۉپلب یاشلر باشقه مملکتلرگه کۉچیشگه یاکه قۉشنی دولتلرده ایشلشگه مجبور بۉلماقده.
بیرلشگن ملتلر تشکیلاتی یقینده افغانستان اهالیسینی۴۸.۶میلیون کیشی دېب اعلان قیلگن بۉلسه، طالبان نینگ احصایه و معلومات ادارهسی مملکت اهالیسی سانینی۳۷.۲میلیون دېب حسابلهماقده.
