محلي منبعلر غور ولایتیده یوز بېرگن ترافیک حادثهسی عاقبتیده بیر عیالنی هم قۉشگنده آلتی کیشی جان بېرگنینی معلوم قیلدی.
حادثه سهشنبه کونی (۲۳-سرطان) غور ولایتی نینگ لعل و سرجنگل اولسواللیگی سرجنگل منطقهسیده یوز بېرگن.
منبعلرگه کۉره، غوردن کابل تامان حرکتلنهیاتگن فلانکوچ موتر غور-کابل ترانسپورت یۉلیده یۉلدن چیقیب کېتیب، اغدریلیب کېتگن.
اوچ کیشی واقعه جاییده جان بېرگن. ینه اوچ کیشی، جملهدن بیر عیال، آغیر جراحتلر طفیلی باميان شفاخانهسیگه آلیب کېتیلهیاتگن پیتده عالمدن اۉتگن.
غور ولایتی تاغلی و یۉللری مرکّب منطقهلردن بیری بۉلیب، بو یېرده تېز-تېز اۉلیم بیلن یکونلنهدیگن ترافیک حادثهلری صادر بۉلیب تورهدی.
