کویت ملي نفت شرکتی مملکتنینگ مهم نفت آستقورمهلریدن بیری ایران تامانیدن تکراري هجومگه اوچرهگنینی معلوم قیلدی.
کویت دولت اخبارات آژانسی خبریگه کۉره، شرکت بوگون (شنبه، ۲۷سرطان) اوشبو هجوملر عاقبتیده بیر نېچه کیشی یرهلنگنی و کتّه مادّي ضرر یېتگنینی بیلدیرگن.
شرکت معلوماتیگه کۉره، یرهدارلرگه طبي یاردم کۉرسهتیلگن و حادثه یوز بېرگن منطقه بۉشهتیلگن.
کویت دولت اخبارات آژانسینینگ یازیشیچه، هجوم عاقبتلرینی برطرف اېتیش ایشلری حکومت ادارهلری بیلن همکارلیکده دوام اېتماقده.
خبرده هجوملر عیناً قچان صادر بۉلگنیگه انیقلیک کیریتیلمهگن.
کویت تیناوون هم مملکتدهگی برق انرژیسی انشااتلری ایران هجومیگه اوچرهگنینی معلوم قیلگن اېدی.
ایران اېسه امریکا جمهور رییسی دونالد ترامپ مملکت نینگ کۉپریکلری و برق استشنلریگه ضربه بېریلیشی ممکنلیگینی بیلدیرگنیدن سۉنگ، اگر بو تهدید عملگه آشیریلسه، منطقهدهگی آستقورمهلرنی نشانگه آلیشینی معلوم قیلگن.
