طالبان تشقی ایشلر وزیرلیگینینگ اعلام قیلیشیچه، افغانستان بۉیلب اۉن اولسواللیکده حجتلرنی تصدیقلش ایشلری باشلنهدی.
اوشبو اولسواللیکلر ایچیده، بلخنینگ کلدار (حیرتان) اولسواللیگی و قندوزنینگ امام صاحب اولسواللیگی هم بار.
شونینگدېک، طالبان تشقی ایشلر وزیرلیگی اوشبو ایشلر ینه غزنینینگ جاغوری اولسواللیگیده، هراتنینگ شیندند اولسواللیگیده، کابلنینگ قرهباغ و سروبی اولسواللیکلریده، ننگرهارنینگ مومنددره/تورخم اولسواللیگیده، قندهارنینگ اسپینبولدک اولسواللیگیده، هلمندنینگ گرشک اولسواللیگیده و پکتیانینگ سمکنی اولسواللیگیده باشلنهدی.
طالبان اولسواللیکلرده بو امکانیتلر، اسد آیی بیرینچیسیدن باشلب، ایشگه توشیریلیشینی معلوم قیلگن.
دېمک طالبان بو ولایتلر مرکزلری قۉشیمچه اوشبو اولسواللیکلرده هم حجتلرنی تصدیقلش امکانیتی یرهتیلگنینی معلوم قیلگن.
