بیرلشگن ملتلر تشکیلاتینینگ افغانستاندهگی یاردم ادارهسی (یوناما) خبرچیلر بوتون دنیا بۉیلب مثلی کۉریلمهگن باسیملرگه دوچ کېلهیاتگنینی معلوم قیلدی.
یوناما دوشنبه 29-سرطان کونی فیس بوک صحیفهسیده نشر قیلگن پیامده خبرچیلیک یسمه آنگ یاردمیده یرهتیلهیاتگن یالغان و چلغیتووچی اخباراتلر، سانسور همده ژورنالیستلرگه قرشی هجوملر نینگ کوچهییشی کبی جدّي تهدیدلرگه دوچ کېلهیاتگنینی تأکیدلهدی.
تشکیلاتنینگ قید اېتیشیچه، مستقل عامهوي اخبارات واسطهلرینی قۉللب-قوّتلش نینگ کمهییشی هم جماعت منفعتلریگه خدمت قیلووچی خبرچیلرنینگ کېلهجگینی جدّي خوف آستیگه قۉیماقده.
یوناما: «اگر اېرکین خبرچیلیک ضعیفلشسه، بیز نیمهنی یۉقاتهمیز؟» دېگن سوالنی اۉرتهگه تشلهدی.
بو خواطرلر افغانستانده 2021-ییلده طالبلر حاکمیتنی اېگهلهگنیدن بویان ژورنالیستلر و عامهوي اخبارات واسطهلری کېنگ کۉلملی چېکلاولر، خوفسیزلیک باسیمی همده فعالیت میدانی نینگ تاباره تارهییشی بیلن یوزمه-یوز کېلهیاتگن بیر پیتده ینگرهماقده.
ژورنالیستلرنی قۉللب-قوّتلاوچی قطار تشکیلاتلر افغانستانده ژورنالیستلرگه تهدیدلر، سانسور، اخباراتگه اېریشیشدهگی چېکلاولر و مستقل یېتکرمهنینگ اقتصادي معمالری یوزهسیدن بیر نېچه بار خواطر بیلدیرگن.
