بیرلشگن ملتلر تشکیلاتی مخدره مادهلر و جنایی جرملرگه قرشی کورهش ادارهسینینگ افغانستاندهگی وکیلی، پولیاک اوک سری کابلده اۉزبېکستان اېلچیخانهسینینگ خوفسیزلیک مسالهلر بۉییچه اتشهسی بیلن اوچرهشگن.
بیرلشگن ملتلر تشکیلاتی مخدره مادهلر و جنایی جرملرگه قرشی کورهش ادارهسینینگ افغانستاندهگی نمایندهلیگی بوگون سهشنبه، ۳۰ – سرطان، ایکس صحیفهسیده نشر قیلگن بیاناتیده، بو اوچرهشوو حقیده خبر بېرگن.
اوچرهشووده، مخدره مادهلر قاچاق اېتیلیشی و خوفسیزلیک تهدیدلری یوزهسیدن صحبت بۉلینگنی معلوم قیلینگن.
بو شوندهی بیرحالده دیر که طالبان حاکمیتیدهگی افغانستاندن، اۉزبېکستانگه مخدره مادهلرنی قاچاق اېتیش حالتلری کۉپهیگن.
شونینگدېک، طالبان حاکمیتیده بو مملکتدن کېلیب چیققن ترورچیلیک تهدیدلری هم مملکتلرنینگ افغانستاندن بۉلگن اساسی خواطرلریدن دیر.
