بیرلشگن ملتلر تشکیلاتینینگ انسانپرورلیک مسألهلرنی موافقلشتیریش اداره (اوچا) افغانستاننینگ اوچ ولایتیده یوز بېرگن تۉستدن کېلگن سېل عاقبتیده قربانلر بۉلگنی و کۉپلب عایلهلر ضرر کۉرگنینی معلوم قیلدی.
اوچا بوگون (سهشنبه، ۳۰سرطان) ایکس اجتماعي ترماغیده نشر قیلگن بیاناتیده نورستان، ننگرهار و لغمان ولایتلریده اویلر، اېکین یېرلر همده آستقورمهلرگه ضرر یېتگنینی بیلدیردی.
بیرلشگن ملتلر تشکیلاتینینگ اوشبو ادارهسی قربانلر و مادّي ضررلر بۉییچه انیق رقملرنی کېلتیرمهدی، بیراق انسانپرور همکار تشکیلاتلر احتیاجلرنی بهالش و یاردم کۉرسهتیش ایشلرینی آلیب بارهیاتگنینی تأکیدلهدی.
تیناوون توشدن کېین نورستان ولایتی مرکزی پارون شهریده کوچلی یاغینگرچیلیک عاقبتیده ویرانکار سېل یوز بېرگن اېدی.
طالبلر معلوماتلریگه کۉره، اوشبو سېل عاقبتیده کمیده۲۳ کیشی جان بېرگن ینه۱۰۰ دن آرتیق کیشی بېدرَک یۉقالگن.
