ارگ تامانیدن نشر اېتیلگن بیاناتگه کۉره، طالبان باش وزیری محمدحسن آخوند، اۉزبېکستان باش وزیری اۉرینباسری جمشید خواجهیف و اونینگ بیرگهسیدهگی هیات بیلن اوچرهشگن.
بوحقده نشر اېتیلگن بیاناتده، اوشبو اوچرهشوو ایکّی تامانلمه مناسبتلر اینیقسه اقتصادی و سیاسی ساحهلریدهگی همکارلیکلر یوزهسیدن فکر المشتیریلگن.
اۉزبېکستان باش وزیری اۉرینباسری، بو مملکت جمهور باشلیغی شوکت میرضیایف بویروغی اساسیده، کابل کېلگنی و بو سفر دوامیده، افغانستان و اۉزبېکستان اۉرتهسیدهگی علاقهلرنی کېنگهیتیریشگه حرکت قیلیشینی بیلدیرگن.
شو بیلن بیرگه، اۉزبېکستان باش وزیری اۉرینباسری افغانستان و اۉزبېکستان اۉرتهسیدهگی اۉتگن ییلی ۱۵۰ میلیون دالر بۉلگن سودا حجمی بو ییل شو حاضرگچه ۱۱۱ میلیون دالرنی تۉلدیرگن و ییل یکونیگچه بو رقم یوقاری کېتیشینی بیلدیرگن.
شونینگدېک، اۉزبېکستان باش وزیری اۉرین باسری، بو مملکت حاضرگچه بېش مینگ افغانستان وطنداشیگه ویزه ترقهتگنینی هم معلوم قیلگن.
عینی حالده، طالبان باش وزیری هم اۉزبېکستان بیلن مناسبتلرینی کېنگهیتیریشگه اهمیت بېریشلرینی تاکیدلگن.
شو بیلن بیرگه، طالبان باش وزیرینینگ اقتصادی اۉرین باسرلیگی هم علیحده بیر بیانات ترقهتیب، اۉزبېکستانلیک مذکور هیات عبدالغنی برادر بیلن هم اوچرهشوو اۉتکزگنینی اعلام قیلدی.
