افغانستانده طالبان حاکمیتینینگ بېشینچی ییللیگی، مملکتده تورلی خیل باسیملر و آغیر شرایطلر جدّیلشگن بیرحالده یېتیب کېلر اېکن، طالبان سۉزلاوچیسی ذبیح الله مجاهد، افغانستان خلقیدن بوگون اوچون شکر قیلیشلرینی سۉرهدی.
طالبان سۉزلاوچیسی ترقهتگن ویدیو بیاناتیده شونینگدېک، اهالیدن بو کوننی یخشی نشانلشلرینی هم سۉرهگن.
طالبان بو طلبی شوندهی بیرحالده دیر که اۉتگن بېش ییل دوامیده، طالباننینگ سیاستی و بو گروه حاکمیتده بۉلگنی سببلی یوزهگه کېلگن معمالر اهالینی آغیر شرایطلرده قۉیگن.
حاضرده، طالبان چیکلاولری سبب افغانستان اهالیسی اینیقسه عیاللر عادی حقلریدن محروم سقلنیب کېلماقده و بوندن تشقری طالباننینگ قومی و تعصبلی سیاستلری هم کوچهییب بارماقده دیر.
