بیر نیچه کوندن بېری کابلنینگ دشتبرچی حدودیده، ناتانیش کسللیک کېنگهییب کۉپلب آدملر زهرلنیشی سبب بۉلگن.
اۉزبېک تیوی بوگون سهشنبه، ۳- سنبله، اوشبو حالتنی اۉرگنیش اوچون دشت برچی حدودی یشاوچیلریدن کمیده ایکّی کیشی بیلن گپیردی. بو شخصلرنینگ ایتیشیچه، اوشبو کسللیک کۉپینچه قلعهنو منطقهسیدهگی اهالینی یۉلیقتیرگن.
منبعلرنینگ ادعاسیگه کۉره، حاضرگچه بو کسللیککه چلینیب زهرلنگنلر شفاخانهلرگه مراجعت قیلیب دارو هم قۉلگه کېلتیرگنلر بیراق شفاکارلرنینگ بېرگن داروسی اولرنینگ احوالینی یخشیلنتیرمهگن.
دشت برچی یشاوچیسی معلوماتی اساسیده، حاضرگچه شفاکارلر بو کسللیکنی انیقلشتیریب، اونگه انیق یېچیم بۉلهدیگن دارونی اهالیگه بېرگن اېمس.
شو بیلن بیرگه، اهالی بو کسللیک قان قوسیش و قانلی اېچ کېتیش بیلن همراه بۉلگنینی هم قۉشیمچه قیلهدی.
طالبان نظارتیدهگی افغانستان ساغلیقنی سقلش وزیرلیگی هم حاضرگچه بو کسللیک یوزهسیدن بیران بیر تفصیلات بېرمهگن. شونینگدېک بو اهالی انیق نیمه سببدن زهرلنهیاتگنلری هم بېللی اېمس.
