طالباننینگ هرات ولایتیدهگی استخبارات خادملری، یقینده بو گروهنینگ قومی سیاستلرینی تنقید قیلگن نویدالله فطرت ناملی اۉقیتووچینی حبسگه آلگن.
بوحقده نشر اېتیلگن خبرلرده، هرات ولایتیده بیر عایله اعضالری هم فطرت جنابلریگه پناه بېرگنلیکده عیبلنیب، حبسگه آلینگن.
مذکور شخصلر بوگون اېرتهلب هرات ولایتیده حبسگه آلینگن.
ایتیش کېرهک که نویدالله فطرت یقینده بیر ویدیو بیانات ترقهتیب، طالباننینگ قومی سیاستینی تنقید قیلگن اېدی.
فطرت بو ویدیودن سۉنگ اۉلیم بیلن جزالنیشی ممکنلیگینی هم تاکیدلب، طالبان دین نقابی بیلن قومی رېجهلرینی عملگه آشیریب تورگنینی تنقید قیلگن اېدی.
