طالباننینگ ساغلیقنی سقلش وزیرلیگی اعلام قیلیشیچه، کابل شهریده ۱۳۰ داروخانه یاپییلیب، فعالیتلری تۉختهتیلگن.
بوحقده نشر اېتیلگن بیاناتگه کۉره، تېکشیروو تیمی کابل شهریدهگی ۷۲۱ داروخانه فعالیتینی کۉریب چیققندن سۉنگ، اولر جملهسیدن ۱۳۰ تهسی فعالیتی تۉختهتیلیشیگه قرار قیلینگن.
طالبان بو داروخانهلر جملهسیدن، ۲۲ داروخانه قانونی حجتگه اېگه بۉلمهگنلیک، تۉرت داروخانه اۉز باشیمچهلیک بیلن باشقه مکانگه کۉچیریلیشی، ۲۰ داروخانه مسلکی آدمی بۉلمهگنلیک، ۳۴ داروخانه نرخلر استیکرینی یاپیشتیرمهگنلیک و ۴۸ داروخانه طالبان تامانیدن تقیقلنگن کمپنیه داروسینی ساتیشی سبب باغلنگن.
شو بیلن بیرگه، طالبان بو داروخانه لردن ۷۰۸ قلم ناقانونی و قاچاق بیلن کېلگن دارولر هم قید اېتیلگنینی معلوم قیلگن.
بو شوندهی بیرحالده دیر که طالبان پاکستاندن دارو آلیب کېلیش جریانینی تۉختهتیب قۉیگن و بو اېسه بازارلرده دارو تنقیصلیگینی اۉرتهگه آلیب کېلیب، دارو قاچاق اېتیلیشیگه شرایط یرهتگن.
