طالباننینگ فاریاب ولایتیدهگی امنیه قومندانلیگینینگ ایتیشیچه، میمنه شهریدن تۉرت کیشیلیک اۉغریلر باندینی قۉلگه آلگن.
بو حقده نشر اېتیلگن معلوماتده، اۉغریلیک عیبلاوی بیلن حبسگه آلینگن مذکور شخصلر جملهسیدن ایکّی ته سی ۱۲ و ۱۳ یاشر بالهلر اېکن که طالبان تامانیدن حبسگه آلینگن.
طالبان بو شخصلر میمنه شهریدهگی دوکانلر و مارکیتلردن اۉغیرلیک قیلیش بیلن شغللنیب کېلگنینی ادعا قیلگن.
شونینگدېک، طالبان بو شخصلر آلدیدن ۲۷ مینگ و ۶۷۰ افغانی پول و ایکّی ته تلیفون تاپیلگنینی هم معلوم قیلگن.
دېمک، طالبان حاکمیتیده اهالینینگ اقتصادی احوالی آغیرلشیشی بیلن بیر وقتده اۉغیرلیک واقعهلری هم کۉپهیگن.
بوندن آلدین، ایریم قوراللی اۉغیرلیکلرده طالبان اعضالری بارلیگی هم ایتیلگن بیراق طالبان اولرنی تاپیشده حرکت قیلمهگن.
بوندن بیر نیچه آی آلدین، اندخوی اولسواللیگیده ایکّی زرگر ایناغهنی قوراللی اۉغریلر اۉلدیریب کېتیشی اوشبو واقعهلردن بیری دیر که کېنگ تنقیدلرنی اۉرتهگه آلیب کېلدی.
