بیرلشگن ملتلر تشکیلاتینینگ افغانستاندهگی یاردم ادارهسی (یوناما) معلوماتلریگه کۉره، ۲۰۰۹-ییل جنورییدن ۲۰۲۱-ییل اگستیگچه افغانستاندهگی قوراللی ماجرالر عاقبتیده۴۰ مینگدن آرتیق تینچ اهالی اۉلدیریلگن، ینه۷۷ مینگ کیشی یرهلنگن.
یوناما بوگون (سهشنبه، ۱۰-سنبله) افغانستاندهگی «اوروش قربانلری نینگ تجربهسی و احتیاجلری»گه بغیشلنگن تدقیقات حساباتینی نشر قیلدی.
یوناما نینگ ایتیشیچه، حسابات ۲۰۰۱-ییلده امریکا باشچیلیگیدهگی حربي ارهلشوو باشلنگنیدن ۲۰۲۱-ییلده طالبلر حاکمیتگه قَیته کېلگونیگه قدر دورنی قمرهب آلهدی.
یونامانینگ معلوم قیلیشیچه، گزارش قوراللی ماجرالردن جبر کۉرگن۱۹۵ نفر جبردیده و اولرنینگ قرینداشلری، اوروش قربانلرینینگ احتیاجلرینی قاندیریش یۉلیده فعالیت یوریتهیاتگن۲۳ ته نادولت تشکیلات همده عملدهگی حکومت نینگ 23 نفر رسميسی بیلن اۉتکزیلگن صحبتلر اساسیده تیارلنگن.
اوشبو اداره اوروش قربانلری اکثریت حاللرده عدالت، تاوان پولی یاکه حتا باشلریدن کېچیرگن واقعهلر نینگ تن آلینیشیسیز قالدیریلگنینی تأکیدلهگن.
