طالبلر باش وزیرلیگی اقتصادی اۉرینباسرلیگینینگ اعلام قیلیشیچه، عبدالغنی برادر کابلدهگی تورکیه اېلچیسی سادین آی ییلدز بیلن اوچرهشگن.
بو حقده نشر اېتیلگن بیاناتده، اوشبو اوچرهشووده ایکی تامانلمه مناسبتلر و تورکیهدهگی افغانستانلیک مهاجرلر معمالری حقیده صحبت اېتیلگنی معلوم قیلینگن.
طالبان، تورکیه اېلچیسی بیلن تورکیهدهگی افغانستانلیک مهاجرلرنینگ انیق نیمه معماسینی حل اېتیشگه قرار قیلگنی حقیده هیچ نرسه دېمهگن.
شو بیلن بیرگه، عبدالغنی برادر افغانستاندهگی تورکیه شرکتلری فعالیتیدن قدرلب، بو مملکتنینگ باشقه شرکتلریدن هم افغانستانگه سرمایه کېریتیشلرینی سۉرهگن.
عینی حالده، طالبلرنینگ ادعا قیلیشیچه، تورکیه اېلچیسی بو مملکتنینگ افغانستان بیلن سوداگرلیک علاقهسی کېنگهیگنینی ایتیب، افغانستاندن بۉلگن حمایهلرینی دوام اېتتریشنی معلوم قیلگن.
تورکیه، حاضرگچه طالباننی رسمی تَن آلمهی بیراق بو گروه بیلن دیپلوماتیک علاقه اۉرنهتگن مملکتلر جملهسیدن دیر.
