اۉزبېکستان یېتکرمه‌لریده ترقه‌تیلگن خبرگه کۉره، اۉزبېکستان جمهور باشلیغی شوکت میرضیایف ابوعلی ابن سینا باله‌لیگیگه بغشلنگن “حسین” تاریخی-بدیعی فلم‌نینگ صورتگه آلیش میدانی بیلن تانیشدی.
باله‌لر کانتینتینی یوکسلتیریش مرکزی بویورتمه‌سی اساسیده صورتگه آلینه‌یاتگن فلم اوچون “اۉزبېک فلم” فلم استدیوسیده علامه یشه‌‌گن دور محیطینی عکس اېتتیروچی دیکراسیونلر یره‌تیلگن.
میرضیایف، تاریخی شهر دیوارلری، کۉچه و بازار منظره‌لریدن، دور کییملری همده صورتگه آلیشده فایده‌لنیله‌دیگن بویوملرنی کۉزدن کېچیردی.
فلم ایجادچیلر بیلن ملاقاتده اۉزبېکستان جمهور باشلیغی، دولت ملی روحده‌گی بویوک اجدادلریمیز حیاتیگه بغیشلنگن فلملر یره‌تیلیشیگه اعتبارنی ینه‌ده کوچه‌یتیریشینی اورغو بېردی.
بو یېرده یره‌تیلگن دیکراسیونلرنی یوقاری بهالب، اولر تاریخی محیطینی اسکرینده ایشانرلری کۉرینیشگه اینتیلشدن دلالت اېکنینی قید اېتدی. اۉزبېکستان بای تاریخی و علامه‌لر میراثینی فلم تیلی آرقه‌لی یاش اولادگه یېتکزیش، اولرده اۉز اۉتمیشیگه قیزیقیش و افتخار تویغوسی‌نینگ اویغاتیشی مهملیگینی تاکیدله‌دی.
فلمده یاش حسین ابن سینا عبدالله‌نینگ طبابت سېوگیسی، استاذلریگه صداقت و انسان پرورلیگی تصویرلنه‌دی. اثر آرقه‌لی باله‌لرگه علامه‌نینگ علم اینتیلیش و شخصی فضیلتلرینی یقینیدن تانیتیش کۉزده توتیلگن.
“حسین” فلمینی یره‌تیش ابو علی ابن سینا علمی میراثینی چوقور اۉرگنیش و کېنگن ترغیب قیلیش بۉییچه 2030-ییلگچه مۉلجلنگن “یۉل خریطه‌سی”ده بېلگیلنگن. حجتده علامه توغیلگنی‌نینگ 1050 تیارگرلیک کۉریش هم نظرده توتیلگن.
