سۉنگگی ییللرده دنیا ترتیبی بوزیلیب، بو حالت تۉغری‌دن تۉغری اوروشلر و تۉقنه‌شوولرگه سبب بۉلماقده. اوشبو وضعیت‌نینگ اېنگ آغیر عاقبتلری یقین شرقده کوزه‌تیلماقده. بو منطقه همان اوروش و قره‌مه-قرشیلیک تهدیدلری بیلن یوزمه-یوز توریبدی.
شونده‌ی برقرارسیز وضعیتده همده یقین‌شرقده اوروش خوفلری همان کوچلی موجود بۉلگن بیر احوالده، تهرانده اۉتکزیلگن تۉرت تامانلمه اوچره‌شوو، اعتبارلرنی تارتماقده.
اوشبو اوچره‌شووده، تورکیه استخبارات باشلیغی ابراهیم کالین، پاکستان اوردوسی باشلیغی عاصم منیر و سعودی عربستان مدافعه وزیری خالد بن سلمان، تهران‌گه کېلیب، ایران یوقاری مرتبه‌لی رسمیلری بیلن اوچره‌شدی.
یقین‌شرقده‌گی دوام اېته‌یاتگن وضعیت و بو اوچره‌شوو ترکیبیده‌گی هیاتلر سطحیگه اعتبار قره‌تیلگنده، بو اوچره‌شوو یقین کېله‌جک احوالی اوچون اوته مهم بیر اولتیریش بۉلیشی ممکن چونکه بو یېرده، تۉرت مملکت‌نینگ هم خوفسیزلیک تیزیمی‌نینگ نفوذلی آدملری اشتراک اېتگن.
دیېرلی ایران پایتختی تهران میزبانلیگیده تورکیه، ایران، پاکستان و سعودی عربستان‌نینگ یوقاری مرتبه‌لی رسميلری اۉرته‌سیده اۉتکزیلگن اوچره‌شوو اعتبارنی اۉزیگه تارتگن مهم واقعه بۉلدی. اینیقسه، تورکیه، پاکستان و سعودی عربستاننی مکه مدافعه بیتیمی تامانلری اېکنینی حسابگه آلگن تقدیرده، اوشبو تۉرت مملکت‌نینگ یوقاری مرتبه‌لی رسميلری تهرانده بیر جایگه تۉپلنیب، اوچره‌شوو اۉتکزگنی تورلی تحلیللرگه سبب بۉلماقده.
عموما آلگنده، اوشبو اوچره‌شوو و تورکیه، پاکستان همده سعودی عربستان‌نینگ سۉنگی حرکتلری بو مملکتلر اۉرته‌سیده‌گی مکه مدافعه بیتیمینی سقلب قالیشگه قره‌تیلگنینی کۉرسه‌تماقده. شونگه قره‌مه‌ی، اوشبو بیتیم اعضالری اونی عملی اوروش میدانیده سیناودن اۉتکزیشگه شاشیلمه‌ی، احتیاطکارلیک بیلن حرکت قیله‌یاتگندېک کۉرینه‌دی.
اوشبو بیتیم تامانلریدن بیری بۉلگن سعودی عربستان یمن حوثيلری‌نینگ تهدیدلری بیلن یوزمه-یوز توریبدی. بیراق، موجود وضعیتده ریاض، انقره و اسلام‌آباد اوزاق وقت دوام اېته‌دیگن کېنگ کۉلملی اوروشگه تارتیب کېته‌دیگن تۉقنه‌شوولرگه کیریشنی ایسته‌مه‌یاتگندېک کۉرینه‌دی. شو سببلی، تهران ییغینی‌ده تامانلر، حوثیلر تهدیدی کبی موضوعلرنی برطرف اېتیش اوچون اینتیله‌یاتگنینی ممکن دیر.
دېیرلی «مکه مدافعه بیتیمی» جدّی سیناو قرشیسیده توریبدی. بو مملکتلر اېسه امضالنگن کېلیشووگه موافق، اولر سعودی عربستاننی قۉللب-قوّتلش و اوروشگه کیریش ضرورتی بیلن کېنگراق تۉقنه‌شووگه تارتیلیب کېتیش خوفی اۉرته‌سیده، تورگن. دېیرلی کېلیشووگه موافق اولر حوثیلرگه قرشی اوروشگه کېریشی ضرور دیر. بیراق منطقه‌ده اوروشلر دواملی بۉله‌یاتگنینی نظرده توتگن حالده، انقره و اسلام‌آباد، اۉزلرینی کېنگ کولمی عملی باتلاغیده تشلشگه حاضر اېمس و اولر کۉپینچه دیپلوماتیک و واسطه‌چیلیک رۉللری بیلن حرکت قیلیشنی افضل کۉرماقده. شوندی اېکن تهرانده بو مملکتلر، ایران رسمیلرینی حوثیلر تهدیدلرینی برطرف اېتیشگه حرکت قیلیشینی سۉره‌گنی ممکن.
دېیرلی، تهرانده اۉتکزیلگن اوچره‌شوونینگ اساسی مقصدی، ایران‌نینگ حوثيلر تهدیدینی برطرف اېتیشیگه یاردم قانیقتیریش همده مکه مدافعه بیتیمی اعضالری اۉرته‌سیده‌گی اتفاق ایران بیلن قره‌مه-قرشیلیکنی انگله‌تمسلیگینی کۉرسه‌تیش بۉلگنی ممکن دیر.
مکه بیتیمی تامانلری، تهران‌گه یمن حوثیلری تهدیدلری برطرف اېتیلگن تقدیرده، ایران و امریکا اۉرته‌سیده‌گی اوروشنی یکونلنتیریش اوچون فعاللراق حصه قوشیشگه حرکت قیلیشلرینی هم بیلدیرگن بۉلیشی هم احتمالدن ییراق اېمس.
عموما آلگنده، یقین شرق منطقه‌سی همان اوروشلر و منطقوی قره‌مه-قرشیلیکلر بیلن یوزمه-یوز تورگن اېکن حوثيلر‌نینگ هجوملریدن تارتیب، امریکا و اسراییل‌‌نینگ ایرانگه قرشی حرکتلریگچه بۉلگن تهدیدلر منطقه‌نی ترتیب‌سیزلیک و ناانیق کېله‌جک قرشیسیده قالدیرماقده. بونده‌ی شرایطده مکه مدافعه بیتیمی کبی کېلیشوولر اوروش‌نینگ آلدینی آلیشگه قنچه‌لیک قادر اېکنی حاضرچه انیق اېمس. یاکه اونینگ اعضالری آخر-عاقبت تۉقنه‌شووگه تارتیلیب، اوروش طرفلریدن بیریگه ایلنه‌دیمی؟ بونی وقت اوتیشی کۉرسه‌ته‌دی.
شوندی بیر وضعیتده، ینه بیر اساسی موضوع شو دیر که مکه بیتیمی قنچه‌لیک سقلنیب قالیشی ممکن دیر؟ چونکه یقین شرقده اوروش قیته باشلنگن تقدیرده، تورکیه و پاکستان سعودی عربستاننی قۉللب-قۉتلب اۉزلری هم اوروشگه قوشیلیشلری یا هم مکه بیتیمی حاضرگی ماهیتی بیلن سقله‌ی اونی «کېلیشوو تامانلریدن بیریگه بۉلگن هجوم برچه‌سیگه بۉلگن هجوم» دېگن توشینچه اساسیده‌گی اتفاقنی بیکار قیلیش‌دن عبارت ایکی تنلاو اۉرته‌سیده قالدیره‌دی. بو تنلاولر اېسه منطقه‌ده اوروشلر باشلنگنده مکه بیتیمی اعضالرینی شوندی بیر وضعیتده قالدیریشی احتمالی کتّه. بو اوروش اگرده امریکانینگ ایرانگه قرشی هجوملری باشلنگنده و ایران هم بو هجوملرگه جواب قیتریش اوچون منطقه‌ده‌گی سعودی عربستان شامل مملکتلرده حربی بَزه لرینی نشانگه توتیشگه اورینیشی یا حوثیلرنینگ سعودی عربستانگه قرشی بی‌واسطه اوروشی بیلن اۉرته‌گه کېلیشی حتمی دیر. بو ایکّی حالتده هم انقره و اسلام‌آباد، مکه بیتیمی اساسیده سعودی عربستاننی قۉللب-قۉتلشی یا هم مکه بیتیمی حاضرگی ماهیتینی بیکار قیلیشگه مجبور بۉله‌دی.
