اۉزبېکستان انرژیتیک وزیری شیرزاد خۉجه‌یف، 28 اکتبر چهارشنبه کونی قرغیزستان انرژیتیک وزیری آلتین‌بېک ریسبېکوف بیلن اوچرشگن.
اۉزبېکستان یېتکرمه‌لریگه کۉره، تمانلر انرژیتیک ساحه‌سیده‌گی ایکّی تمانلمه همکارلیکنی یوکسلتیری جمله‌دن برق انرژیسینی یېتکزیب بېریش، کوز-قیش موسومیگه تیارگرلیک کۉریش و قۉشمه آست‌قورمه رېجه‌لرینی عملگه آشیریش مسله‌لرینی کېنگشکن.
مذاکره‌لر دوامیده اۉزبېکستان و قرغیزستان یېتکچیلری‌نینگ سیاسی اراده‌سی، اۉزارا ایشانچ و قۉشمه تشبثلر طفیلی ایکّی اۉلکه‌نینگ انرژی یۉنه‌لیشده‌گی همکارلیگی ایزچیل یوکسلیب باره‌یاتنگنی تاکیدلنگن.
شونینگدېک همکارلیک جمله‌دن مرکزی اسیانینگ انرژیتیک خوفسیزلیگینی مستحکملشگه قره‌تیلگن.
اوچرشووده برق انرژیسینی اۉزارا یېتکزیب بېریش و ترانزیت قیلیش و شونینگدیک منطقه‌نینگ یگانه انرژیتیک تیزیمی برقرار ایشلشینی تامینلش مسله‌لریگه علاحیده اعتبار قره‌تیلگن. کوز-قیش موسومینی موفقیتلی اۉتکزیش اوچون ضرور چاره-تدبیرلرنی موفقیتلشتیریش هم علاحیده کېنگش موضوع‌سی بۉلگن.
مذکور وزیرلر، منطقه‌وی انرژیک آست‌قورمه‌سینی یوکسلتیریشده مهم اهمیتگه اېگه بۉلگن قۉشمه رېجه‌لرنی عملگه آشیریش یوزه‌سیدن هم فکر المشگن.
اوچرشوو یکونلری بۉییچه، تمانلر عملی همکارلیکنی ینه‌ده کېنگیتیریش، اۉزارا منفعتلی تشبثلرنی ایلگری سوریش و اۉزبېکستان بیلن قرغیزستان اۉرته‌سیده‌گی استراتیژیک اۉرتاقلیکینی مستحکملشدن منفعتدار اېکنینی تصدیقله‌دی.
