تورکیه جمهور باشلیغی رجب طیب اردوغان، جمهوریت اعلام قیلینگنی‌نینگ ۱۰۳-ییل‌لیگی مناسبتی بیلن بو مملکت پایتختی انقره‌نینگ چانکایا منطقه‌سیده جایلشگن آنیت‌کبیر مقبره‌سی‌گه تشریب بۉیورگن.
اردوغان، جمهوریت اساسچیسی مصطفاکمال آتاتورک، اونینگ صف‌داشلری و مملکت شهیدلری خاطره‌سینی یادگه آلیب و مقبره‌ده‌گی خاطره دفتریگه بیر یازوو قالدیریب و امضا قیلگن.
رجب طیب اردوغان، مذکور یازووده تورکیه جمهوریتی، حکومتی و خلقی‌نی موفقیت‌لی کیله‌جک سری آلیب باریش اوچون کینگ کۉلملی ایشلر آلیب باریله یاتگنی‌گه اورغو بېرگن.
شونینگدېک اونینگ ایتیشیچه، تورکیه اۉزی‌نینگ ملی مقصدی دېب بیلگن «تورکیه عصری» گه ایریشیش اوچون قاطعیت بیلن حرکت قیلیش‌گه دوام بېره‌دی.
