امریکا تشقی ایشلر وزیرلیگی، اوکراین گه قریب ۲.۱ میلیاد دالر بۉلگن ۵۰۰ ته PAC-3 پاتریوت راکته‌سینی ساتیش‌گه رخصت بېرگنی‌نی معلوم قیلگن. بو، امریکا جمهور باشلیغی دونالد ترامپ‌نینگ ایکّینچی جمهورلیک ریاستی دوری باشلنگی‌دن بیری اوکراین‌نی مدافعه قوراللری بیلن تامین‌لش یۉلیده‌گی اینگ مهم آدیملریدن بیری حسابلنهدی.
راکته‌لرنی یېتکزیب بیریلیش‌نینگ کیچیکتیریله یاتگنی، اوکراین و امریکا اۉرته‌سیده کیسکین‌لیکلرنی کوچه‌یتیرگن. بو وضعیت، ترامپ روسیه‌گه دیزل ساتیش بۉییچه کیلیشوو حقیده خبر بېرگنی و اوکراین جمهور باشلیغی ولادیمیر زلنسکی‌دن روسیه نفتی‌‌نی قیته ایشلش کارخانه‌لریگه هجوملری‌نینگ توخته‌تمه‌گنی اوچون تنقید قیلگنی‌دن سۉنگ، ینه‌ده کیسکین‌لشگن.
اوکراین روسیه کوچلری تامانیدن اوشبو مملکت گه قرشی اوچیریله‌یاتگن راکته‌لر سانی آرتیب باره‌یاتگنی سبب، اولرنی هواده اۉریب توشیریش اوچون کوپراق راکته توتیب قالاووچی قوراللرگه تیزلیک بیلن احتیاجی بارلیگی‌نی انچه‌دن بیری بیان قیلیب کیلماقده. پاترویوت راکته تیزیمی، تیز اوچه‌دیگن بالستیک راکته‌لرگه قرشی کوره‌ش اوچون فایده‌لی قوراللردن بیری حسابلنهدی.
شونده‌ی بیرحالده، اوکراین‌نینگ بو راکته‌لرنی یقین وقت ایچیده قۉلگه کېلتیرمسلیگی ممکن؛ قورال-یراق ساتیش و یېتکزیب بیریش جریانی کمیده بیر نیچه ییل دوام قیله‌دی. امریکا قراریدن خبردار ایکّی کیشی‌‌نینگ ایتیشیچه، مذکور راکته‌لر حاضر ایشلب چیقریلمه‌ی و اولرنی یېتکزیب بیریش ۲۰۲۳-ییل‌نینگ دست‌لبکی آیلری‌گچه عمل‌گه آشیریلیشی ممکن.
