پاکستان رسمی‌لری‌نینگ ایتیشیچه، خیبرپختونخوا ده بوگون (یکشنبه، ۱۰-عقرب)، افغانستان‌لیک قاچقینلرنی قۉلگه آلیش و چیقریش جریانی، قیته باشلنه‌دی.
ایتیلیشچه، مذکور دستور‌نینگ عمل‌گه آشیریلیشی اوچون مخصوص ۱۲۰ تیم تشکیل بۉلیب و تورلی منطقه‌لرده وقتینچه‌لیک کمپلر توزه‌تیلگن.
بوندن آلدین خیبرپختونخوا والی‌سی فیصل‌کریم کندی، ۱-نوامبردن پاکستان دن افغانستان‌لیک قاچقینلرنینگ چیقریلیش جریانی تیزلنیشی و «ناقانونی» شکلده حیات کیچیره‌دیگن افغانستان‌لیکلر برابریده جدی اقداملر قۉلگه آلینیشی‌نی معلوم قیلگن.
پاکستان رسمی‌لری‌گه کۉره، خیبرپختونخوا ده خوفسیزلیک تدبیرلر کوچه‌یشی بیلن بیرگه، افغانستان‌لیک قاچقینلرنینگ قانونی یشش حجتلری و وضعیتی تیکشیریلیش جریانی هم کوپه‌یه‌دی.
شونینگدېک بو اقداملر دایره‌سیده، پاکستان ده‌گی افغانستان‌لیکلر حقوقی وضعیتی، یشش حجتی و بو مملکت‌ده اولرنینگ قالیش مدتی هم تیکشیریله‌دی.
بوندن آلدین خلق‌ارا قاچقینلر تشکیلاتی، اوتگن اوچ ییل‌ده ۶.۵ میلیون‌دن آرتیق قاچقین‌نینگ ایران و پاکستان دن افغانستان گه قیتگنی‌دن خبر بېرگن.
