افغانستان‌نینگ بیرلشگن ملتلر تشکیلاتیده نماینده‌لیگی سرپرستی نصیراحمد فایق، ۳۰-اکتبر بیرلشگن ملتلر تشکیلاتی خوفسیزلیک کینگشی‌‌نینگ عیاللر، تینچ‌لیک و خوفسیزلیک مسئله‌سیگه بغیشلنگن ییغیلیشیده، عیاللر تینچ‌لیک اۉرنه‌تیش جریانیدن چیتده قالگنی صورت‌ده، تینچ‌لیک‌نینگ برقرار بۉله آلمسلیگی‌گه تاکیدله‌گن.
او، بوگون (۱-نوامبر، یکشنبه)، اکس صحیفه‌سیده بیر بیانیات آرقه‌لی، افغانستان‌لیک عیاللرنینگ برچه سیاسی جریانلر جمله‌دن دوحه جریانیده تولیق، تینگ و خوفسیز اشتراک ایتیشی‌نی طلب قیلیب، شونینگدېک عیاللرنینگ حقوقلری مذاکره‌لرده سودالشیش واسطه‌‌سیگه ایلنمسلیگی کېره‌کلیگی‌نی ایتگن.
فایق، جنسیت‌گه اساسلنگن تعقیبلر و انسان حقلری‌نینگ باشقه جدی نقضلری اوچون جوابگرلیک‌نی تامین‌لش، جبرلنووچیلر و شاهدلرنی حمایه قیلیش، عیاللر باشچیلیگیده‌گی تشکیلالرگه توغریدن-توغری، ماسلشووچین و آلدیندن بیلگیلنگن مالیه‌وی یاردم اجره‌تیش همده عیال حقوقی حمایتچیلری‌نینگ قۉللب-قوتلش ضرورلیگی گه اورغو بېرگن.
نصیراحمد فایق، شونینگدېک عیاللر و قیزلر اوچون مکتبلر همده بیلیم یورتلرنینگ قیته آچیلیشی، بیرلشگن ملتلر تشکیلاتی و انسان‌سیورلیک تشکیلاتلریده ایشله‌یدیگن عیاللرگه قویېلگن چیکلاولر بیکار قیلیش‌گه چقیرگن.
