اویغور تایمیزنینگ خبریگه کۉره، ایلینوی ایالتی پلاتین شهریده «کاشغر اویغور داینینگ» آتلی ینگی اویغور رستوانی آچیلیش رېجه‌لشتیریلماقده. رستورانت عنعنه‌وی اویغور یېمکلری و مدنیتنی محلی اهالیگه تانیشتیریشنی مقصد قیلگن.
رستورانت اېگه‌لریدن بیری راحله رشید سه‌شنبه کونی لایحه حقیده پلاتین شهری‌نینگ رېجه‌لشتیریش و حدودلرنی ترتیبگه سالیش کمیته‌سیگه معلومات بېردی. او تورموش اۉرتاغی وارث ابلیمیت بیلن بیرگه‌لیکده رستورانتنی باشقره‌دی. بو یېرده اصل اویغور و حلال یېمکلر عایله‌وی محیطده تقدیم اېتیلیشی کوتیله‌دی.
رستورانت مینیوسیده لغمان، پلو، قۉی و طاووق کبابلری، چوچوره، شوروالر، نان و باشقه اویغور یېمکلر اۉرین آله‌دی.
اوشبو جفتلیک شیکاگو شهریده هم «کاشغر اویغور داینینگ» رستوانتینی باشقریب کېلماقده. وارث ابلیمیت، شونینگدېک، رولینگ میدوز شهریده‌گی «اویغور لغمان هاوس» رستورانتی‌‌نینگ هم اېگه‌لریدن بۉلیب، رستوران یۉنه‌لیشیده 26 ییللیک تجربه‌گه اېگه دیر.
پلاتین شهری‌نینگ رېجه‌لشتیریش و حدودلرنی ترتیبگه سالیش کمیته‌سی ینگی رستوان آچیلیش رېجه‌شینی بیر آوازدن معقول له‌گن. اېندیلکیده رېجه 9-نوامبر کونی شهر کېنگشیده کۉریب چیقیلیشی کوتیلماقده. رستوان اېگه‌لری اونی یقین بیر نېچه آی ایچیده آچیشنی رېجه‌لشتیرماقده.
بو آرقه‌لی شیکاگو تېگره‌سیده‌گی اویغور دیاسپوره‌سی آره‌سیده اویغور یېمکلری و مدنی میراث نینگ ینه‌ده کېنگن تانیلیشیگه اۉز اولوشینی قۉشیشنی ایسته‌یدی.
