امریکا جمهور باشلیغی دونالد ترامپ گه کۉره، اوشبو مملکت ینگیلیکده فیلیپینده «جودهیم ییریک سودا کېلیشووینی» یکونلهگن؛ لېکن او اوشبو کېلیشوو حقیده کۉپینچه معلومات بېرمهگن.
ترامپ بو موضوعنی، فیلیپین جمهورلیک ریاستی سراییده اۉتکزیلگن ضیافت جریانیده بیان قیلیب و ایتیشیچه: «ینگیلیکده جودهیم ییریک سودا کېلیشوونی یکونلهدیک؛ بو حاضرگچه عملگه آشیرگنیمیز اېنگ بویوک سودا کېلیشووی دیر. اوشبو کېلیشوو هر ایکّی مملکت اوچون عدالتلی حسابلنهدی.»
رویترز آژانسینینگ خبر بېریشیچه، ایکّی دولت تامانیدن اعلام قیلینگن رسمی دستورلرنینگ هیچ بیریده ایکّی اتفاقچی اۉرتهسیده سودا کېلیشووی بۉییچه مذاکرهلر حقیده معلومات بېریلمهگن.
فیلیپین جمهور باشلیغی فردیناند مارکوس جونیور ادارهسی، حاضرگچه ترامپ اشاره قیلگن کېلیشوو حقیده هیچ بیر نرسه دېمهگن.



