بوکون : شنبه 30 عقرب 1405

Kabul
+10...+17° C

بوکون : شنبه 30 عقرب 1405

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

جی‌دی ونس ایران‌گه قیته هجوم قیلیشنی تصدیقلشدن باش تارتدی

امریکا جمهور باشلیغی اۉرین‌باسری جی‌دی ونس جمعه کونی ایران‌نینگ هسته‌ای قورال‌گه اېگه بۉلیشی آلدینی آلیش اوچون بو مملکت‌گه حربی هجوم قیلیشنی تصدیقله‌یدی می یاکه یۉق دېگن سوراققه آچیق جواب بېریشدن باش تارتگن.

ونس آق سرایده دونالد ترمپ بیلن قۉشمه اخبارات ییغینیده، فبروری آییده ایران‌گه هجوم قیلیش قرارینی جمهور باشلیغی قبول قیلگنی و اونینگ وظیفه‌سی قۉشمه ایالتلر جمهور باشلیغی‌نینگ قۉللب-قوتلش اېکنینی ایتدی.

بو سۉزلر ترمپ ونس‌دن ایران‌گه هجومنی ضرور دېب بیلیشی و ضرورت بۉلگنیده، شوندی قرار قبول قیلیشی‌نینگ ایتگنی‌نی سۉره‌گن بیر پیتده بیان قیلیندی.

ونس بوندن آلدین ایران اوروشینی اۉرته مدتلی سیلاولرده جمهوریچیلرنینگ تاریخی مغلوبیتی عاملی دېب بیلیب، امریکا بو قره‌مه-قرشیلیکدن چیقیشینی سۉره‌گن اېدی. او جمعه کونی بۉلیب اۉتگن اخبارات ییغینیده هم حربی عملیاتنی آچیق تصدیقلشدن باش تارتیب، بیراق ایران‌نینگ هسته‌ای قورال‌گه اېگه بۉلیشی‌نینگ آلدینی آلیش ضرور مقصد اېکنینی ایتدی.

شونینگدېک امریکا جمهور باشلیغی اۉرین‌باسری، بوندی حرکتلر توغریسیده قرار قبول قیلیش جمهور باشلیغی ذمه‌سیده اېکنی و اونینگ وظیفه‌سی ترمپ‌نی قۉللب-قوتلش اېکنینی تاکیدله‌دی.

ونس بوندن آلدین اوروشگه قرشی چیقیب، واشنگتن‌نینگ تینچلیک مذاکره‌لری بۉییچه سعی-حرکتلریده اساسی رول اۉینه‌گن و ایران بیلن وقتینچه‌لیک آتیش کېسین‌گه اېریشیش اوچون هم واسطه‌چیلیک قیلگن اېدی؛ بو آتیش کېیسین اېسه اۉزاق دوام اېتمه‌گن.

شریک قیلینگ

Related Posts

Add New Playlist