اندونیزیا قوتقرووچیلری یکشنبه کونی جاوا آرالینینگ غربیدهگی بیر فابریکهده یوز بېرگن یانغیندن سۉنگ یۉقالگن ۳۶ اېشچینی قیدیریش عملیاتینی باشلهدیلر. بو واقعه اوچ کیشینینگ اۉلیمی و تۉرت کیشینینگ یرهلنیشیگه سبب بۉلگن.
یانغین شنبه کیچقورون بانتن ولایتینینگ سرانگ اولسواللیگیگه قرهشلی چیکانده منطقهسیده جایلشگن بیر شیرینلیک ایشلب چیقریش فابریکهسیده یوز بېردی.
اوشبو واقعهدن اۉن بېش کیشی آمان قالیب، اولردن تۉرت نفری ساغلیقنی سقلش مرکزلریگه یېتکزیلگن. رسمیلر حاضرگچه یانغین سببینی بیان قیلمهگن.
قوتقرووچی جماعهلر بنا نینگ زیان کۉرگن قسملرینی، اېچیده قالیب کېتگن بۉلیشی ممکن بۉلگن کیشیلرنی تاپیش اوچون تیکشیرماقده. اۉت اۉچیرووچیلر هم ینهده فابریکه نینگ بیر قطار قسملریده قالگن ایسیق نقطهلر و یانغین آلاولرینی ساووتیش عملیاتی بیلن شغللنگنلر.



