بیرلشگن ملتلر تشکیلاتینینگ بالهلرنی قۉللب-قوتلش صندیغی (یونیسف) افغانستانده آزیق-آوقت خوفسیزلیگی یۉقلیگی و آغیر توییب-آوقتلنمسلیک وضعیتینینگ ینهده یامانلشیب بارهیاتگنینی ایتماقده.
یونیسفنینگ افغانستان بۉلیمی بوگون (یکشنبه، ۱ قوس) ترقهتگن حساباتیده، افغانستاننینگ ۱۵ میلیون ۹۰۰ مینگ وطنداشی انقراضلی یا-ده اوندن هم یامانراق آزیق-آوقت خوفسیزلیگی بیلن روپهره بۉلگنی و اولر آرهسیده اوچ میلیون ۴۰۰ مینگ کیشی، شاشلینچ وضعیتده قرار تاپگنینی معلوم قیلگن.
حساباتنینگ بیر قسمیده آگست آییدن اکتبر آییگچه بالهلرده ضعیفلیک درجهسی سۉنگی ییللرده قید اېتیلگن اېنگ یوقاری سطحگه یېتگنی ایتیلگن.
یونیسف بو دوردده تخمیناً بیر میلیون ۳۰۰ مینگ بالهنی توییب-آوقتلنمسلیک تېکشیروولریدن اۉتکزگنی و آغیر یا-ده اورتچه خوفلی توییب-آوقتلنمسلیککه چلینگن ۱۰۷ مینگ ۳۹۶ بالهگه دوالش خذمتلرینینگ کۉرستگنینی بیلدیرگن.
یونیسفنینگ قۉشیمچه قیلیشیچه، ۱۹۶ مینگ ۶۰۱ قراوچیگه آوقتلنیش بۉییچه مصلحتلر بېرگن.
حساباتده قید اېتیلیشیچه، ۲۱۲ مینگ ۱۰۳ کیشیگه بالهلرنی حمایت قیلیش بۉییچه یکپارچه خذمتلر جملهدن روحی-اجتماعی قۉللب-قوتلش، دوسیهلرنی باشقریش، عایله اعضالرینی ایزلش و قیته بیرلشتیریش همده جنسیتگه اساسلنگن زۉرهوانلیکلرنینگ آلدینی آلیش و اولرنی کۉریب چیقیش خذمتلری کۉرستیلگن؛ شوندی که شاشلینچ وضعیتلر، آوارهلیک و مهاجرلرنینگ قیتیشیدن ضرر کۉرگن بالهلر و عایلهلر اوستونلیککه اېگه بۉلگنلر.
یونیسف شونینگدېک بو گزارش دوریده ۲۷۴ مینگ ۴۳ کیشیگه تازه ایچیملیک سوودن فایدهلنیش زمینهسینی یرهتگنی و ۱۲۱ مینگ ۱۳۸ کیشیگه باشلنغیچ ساغلیقنی سقلش و فاضلاب خذمتلرینینگ تامینلهگنینی ایتگن.
یونیسفنینگ کوپهیتیریشیچه، ۱۷۵ مینگ ۳۸۹ کیشی هم اوشبو نهادنینگ ساغلیقنی سقلشنی ترغیب قیلیش دستورلری و یاندهشوونی اۉزگرتیریش حرکتلریدن فایدهلنگن.



