چین رسمیلری‌نینگ ایتیشلریچه، اوشبو مملکت شمال غربیده‌گی «گانسو» و «هایدونگ» ایالتلریده یوزبېرگن زلزله عاقبتیده، حاضرگچه 95 کیشی جان بېریب و باشقه 220 کیشی اېسه یره‌لنگن.
فرانس‌پرس‌نینگ گزارشیگه کۉره، مذکور زلزله دوشنبه کیچه (18- دسامبر) یوزبېرگن. گانسو ایالتی‌نینگ رسمیلری اوشبو ایالتده 86 کیشی اۉلیب و 96 کیشی یره‌لنگنینی بېلدیرگن. معلوماتلر اساسیده، «هایدونگ» ایالتیده هم 9 کیشی جان بېرگن. بو ایالتده یره‌دارلر سانی 124 کیشی گه یتیشگن.
رسمیلرنینگ ایتیشلریچه، ترقه‌تیلگن رقملر دستلبکی دیر و بو رقملرنینگ کۉپه‌یش احتمالی بار. اوشبو زلزله ییرنینگ 35 کیلومتر چقورلیگیده یوز بېرگن و اونینگ مرکزی اېسه گانسو ایالتی‌نینگ «چشیشان» منطقه‌سی دېیلگن.
چین زلزله نی تیکشیریش اداره‌سی اوشبو زلزله شدتی نی 6.2 دېگن، بیراق اروپا زلزله نی تیکشیریش اداره‌سی 6.1 اعلام قیلگن.
