زابل ولایتی‌گه تیگیشلی کابل-قندهار قتناویۉلیده یوزبېرگن بیر ترافیکی حادثه‌ده، تۉرت کیشی اۉلیب و باشقه تۉرت کیشی اېسه یره‌لنگن.
زابل‌ده طالبان خوفسیزلیک قۉمندانلیگی‌نینگ رسانه دفتری بیر خبرنامه ترقه‌تیب ایتیشیچه، اوشبو حادثه 15- جدی جمعه کونی اېرته‌لب بیر «لندکروزر» موتری‌نینگ چپه بۉلیشی بیلن، شاه‌جوی اولوسواللیگی‌نینگ تازه رباط منطقه‌سیده یوزبېرگن.
طالبان جان بېرگنلر سانی‌نی تصدیقلب ایتیشیچه، حادثه یره‌دارلری زابل ولایتی کسلخانه‌سیده انتقال بیریلگن.
حادثه یره‌دارلری‌نینگ ساغلیق وضعیتی توغریسیده بیر نرسه دېیلمه‌گن.
کابل-قندهار قتناویۉلی نینگ اَیریم بولیمی قیته قوریلگنیدن کېین، هیداوچیلرنینگ تېز هیده‌شی و توجه‌سیزلیگی باعث ترافیکی حادثه‌لر رقمی کۉپه‌یگن.
اَیتیش کېره‌ک‌که، اۉتکن کون شام چاغی فراه ولایتیده یوزبېرگن ترافیکی بیر حادثه نتیجه‌سیده، عیاللر و باله‌لر شامل بېش کیشی جان بېریب و باشقه اوچ کیشی اېسه یره‌لندی.
