محلی منبع‌لرنینگ ایتیش‌لریچه، بوگون اېرته‌لب تورخم چېگره‌سی ینه بیر مرته ترانزیت یوزیگه یاپیلگن.
ایتیلیشیچه، پاکستان چېگره رسمی‌لری افغانستان‌لیک یوک تاشیووچی موترلر هیداوچیلریدن ویزا ایسته‌گن و شونینگدېک اولرنینگ پاکستان‌گه کېریش اوچون رخصت بېرمه‌گن.
پاکستان رسمی‌لری‌نینگ اوشبو قراری آرتیدن تورخم چېگره‌سیده‌گی طالبان رسمی‌لری هم پاکستان‌لیک هیداووچیلرنی افغانستان‌گه کېریش اوچون رخصت بېرمه‌گن.
اَیتیش کېره‌ک‌که، پاکستان و افغانستان آره‌سیده‌گی تارتیشوولر ایریم پیت‌لر بو ایکی مملکت آره‌سیده‌گی چېگره‌لرنینگ یاپیلیشی‌گه سبب بۉله‌دی.
شونده‌ی بیرحالده، میلادی ۲۰۲۳ – ییل جریانیده افغانستان‌نینگ پاکستان‌گه صادراتی اۉتکن بیر ییل‌گه نسبتن آزه‌یگن.
