طالبان حکومتی‌نینگ ترانسپورت وزیرلیگی بو وزیرلیک ایکس صحیفه‌سیده بیر بیانات ترقه‌تیب، ترکیه حکومتی افغانستان بیلن ییر و هوا ترانسپورت‌لری خصوصیده علاقه‌لرینی کوچه‌یتیرش، آرتیدن اېکنلیگی‌نی معلوم قیلگن.
طالبان ترانسپورت وزیرلیگی تامانیدن ترقه‌تیلگن اوشبو بیانات‌گه کېلیشیچه، بو موضوع‌نی ترکیه اولکه‌سی‌نینگ کابل‌ده‌گی اېلچیسی جنک اونال، طالبان ترانسپورت وزیرلیگی سرپرستی حمیدالله آخندزاده بیلن اوتکزگن، اوچره‌شووده تیلگه آلگن.
طالبان ترانسپورت وزیرلیگی‌نینگ ادعا‌سیگه کۉره، مذکور اوچره‌شوودن کېین افغانستان و ترکیه آره‌سیده‌گی اوچیش‌لر کۉپه‌ییشی و ترکیه‌لیک «تورکیش ایرلاین» اوچیش کمپنیه‌سی افغانستان‌ده اوچیش‌لرینی قیته باشله‌شی کوتیله‌دی.
ترکیه‌نینگ کابل‌ده‌گی اېلچی‌لیگی هم ایکس صحیفه‌سیده، طالبان ترانسپورت وزیرلیگی سرپرستی حمیدالله آخندزاده بیلن اۉتکزگن اوچره‌شووده، افغانستان و ترکیه علاقه‌لری کوچه‌ییشی خصوصیده صحبت قیلگنی‌نی معلوم قیلگن.
