بیرلشگن ملت‌لر تشکیلاتی‌نینگ باله‌لرنی قوللب_قوتلش صندیغی، بوکون چهارشنبه، ۲۷ – جدی اۉز ایکس صحیفه‌سیده، افغانستان بۉیلب ۱۴۰ مینگ باله اوچون اۉقیش زمینه‌سی یره‌تیلیشی‌دن خبر بېردی.
یونیسف‌نینگ ایتیشیچه، بو قطار باله‌لر یونیسف آرقه‌لی تشکیل اېتیله‌دیگن 950 اۉرگه‌تیش صنف‌لرگه تعلیم کۉریشلری ممکن.
شونینگدېک، یونیسف بو صنف‌لر جنوبی کوریا حکومتی‌نینگ مالی یاردمی بیلن تشکیل اېتیلیشی‌نی بیلدیرگن.
بیرلشگن ملت‌لر تشکیلاتی‌نینگ باله‌لرنی قوللب_قوتلش صندیغی، باله‌لرگه اۉقیش زمینه‌لری یره‌تیلشیدن مقصد، اوشبو باله‌لرگه اۉقیش همده کیله‌جک‌لرینی توزه‌تیش توغریسیده یخشی فکرلر تۉغدیریش دېب، اورغولنگن.
افغانستان‌لیک باله‌لرگه اۉقیش زمینه‌سی یره‌تیلیشی اوچون سعی و حرکت قیلینیب کېلگن بیرحالده، طالبان یېتینچی صنف‌دن یوقاری قیز باله‌لر یوزیگه مکتبلر اېشیگی‌نی یاپیب قۉیگن.
