ایران اسلامی جمهوریتی‌نینگ قضاییه قوه‌سی اۉرینباسری کاظم غریب‌آبادی ېیتکچیلیگیده بیر هیأت، کابل‌گه سفر قیلیب، طالبان حکومتی تشقی ایشلر وزیرلیگی نینگ سرپرستی امیرخان متقی بیلن اۉچره‌شگن.
ایران ېیتکرمه‌لری، بو سفردن مقصد عصیانچی و تکفیری گروه‌لرگه قرشی کۉره‌ش خصوصیده قۉشمه همکارلیک همده ایکی مملکت قماقخانه‌لریده‌گی محکوم‌لر و مجرم‌لر قیتریلیشی توغریسیده، سۉزله‌شیش دېب بیان قیلگن‌لر.
شونینگدېک، مذکور هیأت‌نینگ مقصدلریدن باشقه بیری ایران و طالبان آره‌سیده قضایی مسئله‌لری خصوصیده همکارلیک‌لرنی آشیریش دېب اَیتیله‌دی.
اَیتیش کېره‌ک، بوندن آلدین طالبان و ایران حکومتی آره‌سیده‌گی کېلیشوو آرقه‌لی ایران قماقخانه‌لریده‌گی بیر قنچه افغانستان فقرالری، افغانستان‌ده انتقال بېریلگن اېدی.
