بوکون دوشنبه، ۲ – دلو افغانستان‌ده بیرلشگن ملت‌لر تشکیلاتی‌نینگ نماینده‌لیگی یا-ده «یوناما» ۲۰۲۳ – ییل‌نینگ اکتبر آیی‌دن دسمبر آیی‌گچه، افغانستان‌ده‌گی انسانی وضعیت خصوصیده بیر گزارش ترقه‌تیب ایتیشیچه، اوشبو پیتده‌گی ناتینچ‌لیک‌لرنینگ اصلی قربان‌لری هزاره‌لر دیر.
یونامانینگ گزارشی‌گه کۉره،۲۰۲۳ – ییل نینگ اخیرگی اۉچ آیی جریانیده هزاره‌لرگه قرشی کمیده آلتی مهم هجوم اویوشتیریلگن.
اوشبو گزارش‌گه کېلیشیچه، بو هجوم‌لر بغلان ولایتیده صادر بۉلگن بیرته پارتلش هجوم و کابلده صادر بۉلگن ایکی پارتلش همده هرات‌ده صادر بۉلگن اوچ تروردن شامل دیر که بو هجوم‌لرنی برچه‌سیگه هزاره‌لر نشان‌گه آلینگن.
گزارش‌نی کۉپه‌یتیریشیچه، اوشبو اوچ آی جریانیده، افغانستان‌ده ناتینچلیکلر سبب، هزاره‌لرگه تېگیشلی ۴۹ کیشی اولیب و ینه ۸۸ کیشی اېسه یره‌لنگن.
بیرلشگن ملت‌لر تشکیلاتی‌نینگ افغانستان‌ده‌گی نماینده‌لیگی نی گزارشی‌گه اساس، ۲۰۲۳ – ییل نینگ اخیرگی اۉچ آیی جریانیده، افغانستان بۉیلب اۉتگن اوروش‌لردن پارتلمه‌ی قالگن بمب‌لر پارتلشی عاقبتیده هم، ۱۱ کیشی اولیب ینه ۵۱ کیشی اېسه یره‌لنگن.
باله‌لر بو واقعه‌لرنی اصلی قربان‌لری دیر که اوروش‌لردن قالگن بمب‌لرنی پارتلشی عاقبتیده قربان بۉلگن‌لر جمله‌سیدن، ۴۹ ته‌سینی باله‌لر تشکیل بیره‌دی.
یوناما همده بو گزارش‌ده افغانستان‌گه خاتن_قیزلرگه قرشی بۉلگن چیکلاولر و شونینگدېک جنسیت اساسیده بۉلگن زوره‌وانلیک‌لر دوامیدن خواطر بیلدیرگن.
