افغانستان و پاکستان آره‌سیده‌گی تورخم چېگره‌سی، جدی آیی نینگ ۲۳ – سی‌گه یوک تاشووچی موترلر یوزیگه یاپیلگن اېدی.
حاضرگه قدر طالبان حکومتی و پاکستان آره‌سیده اۉتکزیلگن بحث‌لر نتیجه بیرمه‌ی بو چېگره، یوک تاشووچی موترلر یوزیگه یاپیق قالماقده.
پاکستان و افغانستان آره‌سیده چېگره یاپیق قالیشی، افغانستان‌نینگ سوداگرلیک بۉلیمی اوستیگه سلبی تاثیر قالدیرگنی ایتیله‌دی و گزارش‌لرگه کۉره، افغانستان بازارلریده ایریم نرسه‌لر نرخی بو وضعیت سبب یوقاری کېتگن.
ایتیش کېره‌ک که بوندن اېلگری هم پاکستان و افغانستان حکومت‌لری آره‌سیده تارتیشوو اۉرته‌گه کیلگنی، بو ایکی مملکت آره‌سیده‌گی سوداگرلیک بولیم‌نی ضررلنتیریب و چېگره یاپیلیشی کبی، قیینچیلیک‌لرگه سبب بولگن.
کوپلب واردات باغلیق بۉلگن افغانستان نینگ اقتصادیات بولیمی کوپینچه پاکستان یولی‌گه باغلیق دیر.
بونگه قوشیمچه افغانستان صادراتی هم کوپینچه پاکستان‌گه تېگیشلی کراچی بندرگاهی آرقه‌لی بجریله‌دی.
بیر نیچه ییلدن بۉیان پاکستان یولی‌گه بدیل تاپیش اوچون افغانستان تامانیدن سعی‌وحرکت قولگه آلینگن.
بو خصوصده، چابهار بندرگاهی افغانستان صادراتی اوچون یخشی یول دیب، نظرگه توتیلگن. بیراق حاضرگه قدر، چابهار یولی افغانستان اوچون ییترلیچه آست-قورمه‌سی یوق‌لیگی کبی موجود ایریم قیینچیلیک‌لر سبب بو یول‌دن ایش آلینمه‌گن.
