طالبان سۉزلاوچیسی ذبیح الله مجاهد اۉزینی ایکس صحیفه‌سیده بیر بیانات ترقه‌تیب، بیرلشکن ملت‌لر تشکیلاتی‌نینگ افغانستان‌ده‌گی نماینده‌لیگی یا ده «یوناما» تامانیدن ترقه‌تیلگن گزارش‌گه عکس‌العمل بیلدیردی.
طالبان سۉزلاوچیسی ذبیح الله مجاهد بو بیاناتی‌گه، یوناما افغانستان خلق‌نینگ ارزش‌لرینی یخشی‌لب توشینمه‌ی، بو خلق‌نینگ باورلری و اعتقادلریگه حقارت قیلگن دیب ادعا قیلگن.
طالبان سۉزلاوچیسی، اولرنی حاکمیتی اسلامی شریعت‌نی قوریش اوچون کوپلب قربان‌لیک بېرگن و حاضر حاکمیتیده شریعت‌نی برچه ایرکک و عیال اوستیده عملگه آشیریش‌گه جدی ایکن‌نی اورغوله‌شگن.
دیمک، افغانستان‌ده بیرلشکن ملت‌لر تشکیلاتی نینگ نماینده‌لیگی یاده «یوناما» بوکون دوشنبه، ۲ – دلو، ۲۰۲۳ – ییل نینگ اکتبر آیی‌دن دسمبر آیی‌گچه بۉلگن افغانستان‌ده‌گی انسانی وضعیت خصوصیده بیر گزارش ترقه‌تیب، افغانستان‌ده عیال‌لرگه قرشی چیکلاولر، جنسیت‌گه اساس زوره‌وانلیک‌لر و شونینگدېک هزاره‌لرگه قرشی ناتینچ وضعیت دوامیدن، خواطر بیلدیرگن ایدی.
