طالبان حکومتی تشقی ایشلر وزیرلیگی نینگ سرپرستی امیرخان متقی بوکون چهارشنبه، ۴ – دلو بیرقطار مملکت‌لرنی افغانستان‌ده‌گی ایلچی‌لری و دیپلوماتیک وکیل‌لری بیلن اۉچره‌شیب، بیرلشکن ملت‌لر تشکیلاتی تامانیدن افغانستان اوچون مخصوص وکیل تعین ایتیلمسلیگی‌نی اۉرغوله‌شگن.
طالبان تشقی ایشلر وزیرلیگی تامانیدن ترقه‌تیلگن بیانات‌گه کۉره، بو اۉچره‌شووده، اۉزبېکستان، ترکیه، روسیه، چین، ایران، ترکمنستان، قزاقستان، پاکستان، هند و اندونیزیا مملکت‌لرینی ایلچی‌لری و وکیل‌لری قتنه‌شگن اېدی.
دیمک طالبان حکومتی، بیرلشکن ملت‌لر تشکیلاتی خوفسیزلیک کېنگش تامانیدن اخیرگی تصدیق اېتیلگن، قطعنامه‌گه قرشی تۉرگن.
بو قطعنامه اساسیده، بیرلشکن ملت‌لر تشکیلاتی باش کاتبی تامانیدن افغانستان نینگ برچه تامان‌لری بیلن مصلحت اېتیلگن حالده، مخصوص بیر وکیل تعین‌لنیشی کېره‌ک.
مذکور قطعنامه تصدیق اېتیلگنیدن بیرقنچه زمان اۉتگن بولسه‌ده، بیراق حاضرگه قدر افغانستان اوچون مخصوص وکیل تعین‌لنمه‌گن.
شونېنگدیک، طالبان تشقی ایشلر وزیری بو اۉچره‌شووده، منطقه مملکت‌لریدن مشترک تهدیدلر خصوصیده بیرگه‌لیکده قرشی کۉره‌شیلیشی‌نی خواهله‌گن.
