روسیه تشقی ایشلر وزیری سرگئی لاوروف طالبان‌نی، انسان حق‌لرینی نقض اېتیش‌گه عیب‌لب، بو کېتیش‌گه روسیه طالبان حکومت‌نی رسمیت‌گه تانیمس‌لیگینی اۉرغوله‌شگن.
روسیه تشقی ایشلر وزیری بو سۉزلرنی بیرلشکن ملت‌لر تشکیلاتی خوفسیزلیک کېنگشی ییغین‌نینگ دایره‌سیده ژورنالیست‌لرگه ایتکن.
دیمک روسیه تشقی ایشلر وزیری طالبان‌دن، ینه بیربار برچه شامل حکومت قۉریش‌لرینی سۉره‌گن و بیرلشکن ملت‌لر تشکیلاتی نینگ اعضاسی بۉلمیش روسیه افغانستان‌ده انسان حق‌لری نظرگه توتیلمه‌ی و برچه شامل حکومت اۉرته‌گه کیلمسه، طالبان حکومت‌نی رسمی تَن آلمس‌لیگینی بیلدیرگن.
ایتیش کېره‌ک که بوندن بیر هفته ایلگری هم، روسیه تشقی ایشلر وزیری طالبان‌دن برچه شامل بیر حکومت قۉریش‌لرینی طلب قیلگن اېدی.
بیراق بو طلب‌گه قرشی طالبان سۉزلاوچیسی ذبیح الله مجاهد عکس‌العمل کۉرسه‌تیب، حکومت‌لرینی برچه شامل دیب ادعا قیلدی.
