افغانستان ملی مقاومت جبهه‌سی نینگ ایتیشیچه، اوشبو جبهه حربی‌لری پروان و کاپیساده اویوشتیرگن ایکی اَیری هجومی‌ده، اوچ طالب هلاک و باشقه بېش طالب اېسه یره‌لنگن.
مذکور جبهه تامانیدن ایکس‌ده نشر اېتیلگن اعلامیه اساسیده، بیرینچی هجوم اۉتکن کېچه (پنج‌شنبه 5- دلو) پروان ولایتی‌نینگ بگرام اولوسواللیگی «غند صاحب‌الحق» منطقه‌سیده‌گی طالبان قرارگاهی اوستیگه اویوشتیریلگن.
افغانستان ملی مقاومت جبهه‌سی نینگ ایتیشیچه، مذکور هجوم‌ده ایکی طالب هلاک و باشقه اوچ طالب اېسه یره‌لنگن.
اوشبو جبهه‌گه کۉره، شونینگدېک ایکینچی هجوم اۉتکن کېچه کاپیسا مرکزی «لوای شاهین» منطقه‌سیده‌گی طالبان‌نینگ بیر پوسته‌سی اوستیگه اویوشتیریلگن.
مذکور جبهه‌نینگ اعلامیهسیده کېلیشیچه، اوشبو هجوم‌ده بیر طالب هلاک و باشقه ایکی طالب یره‌لنگن.
افغانستان ملی مقاومت جبهه‌سی نینگ ایتیشیچه، مذکور هجوم‌ده اوشبو جبهه حربی‌لریگه ضرر ییتیشمه‌گن.
پروان و کاپیساده طالبان محلی مسوولری حاضرگچه بو توغریده فکر بیلدیرمه‌گن.
افغانستان ملی مقاومت جبهه‌سی پروان و کاپیساده بوندن آلدین هم نېچه مرته هجوم اویوشتیرگنیدن خبر بېرگن اېدی.
